Një ngjarje e rëndë është shënuar pasditen e sotme në Shkodër, ku një 26-vjeçar është gjetur pa shenja jete në ujërat e liqenit.

Policia njofton se trupi i të riut, i identifikuar si I.L., është gjetur rreth orës 18:40 nga peshkatarët në zonë. Nga këqyrja paraprake, në trupin e tij nuk janë konstatuar shenja dhune.

Sipas burimeve, dyshohet se 26-vjeçari vuante nga depresioni.

“Grupi hetimor vijon punën për sqarimin dhe dokumentimin e plotë të rrethanave të këtij rasti,” – njoftoi Policia e Shkodrës.

Autoritetet nuk kanë dhënë ende detaje të tjera mbi rrethanat e ngjarjes.