Fermerët italianë, duke përfshirë një numër të madh traktorësh dhe kamionësh, po organizojnë një protestë në kryeqytetin e tyre, Romë. Kjo mobilizim vjen si përgjigje ndaj politikave evropiane, dhe ata kërkojnë mbështetjen e qeverisë lokale, duke theksuar nevojën për mbrojtjen e prodhimit vendor. Fermerët shprehen kundër favorizimit të shumëkombëshve dhe kërkojnë një sërë përjashtimesh tatimore për të mbështetur prodhuesit vendas. Demonstrata pritet të jetë e shtrirë dhe e pjesëmarrësve nga fusha bujqësore u është dhënë leje për të hyrë në zonën e Romës.

“Takimet e deritanishme me policinë dhe zyrtarët e prefekturës kanë qenë pozitive. Ne duam të demonstrojmë kundër politikës evropiane dhe kërkojmë mbështetjen e qeverisë Meloni. Shumëkombëshet nuk duhet të favorizohen, në kurriz të prodhimit tonë”, thanë përfaqësuesit e protestuesve.

Mbetet për t’u parë nëse mobilizimi në kryeqytetin italian do të bëhet si një marshim ku fermerët do të marrin pjesë me traktorët dhe kamionët e tyre.

“Roma, ku do të demonstrojmë, është bashkia më e madhe në Evropë, për sa i përket prodhimit bujqësor. Apelet tona nuk duhen anashkaluar, duke filluar nga nevoja për të miratuar, por edhe për të ruajtur një sërë përjashtimesh tatimore”, shtuan fermerët italianë.