16.5 C
Tiranë
Monday, March 4, 2024
spot_img

Kishte instaluar kamera në shtëpi 34-vjeçari në Kodër Kamëz akuzohet për dhunë ndaj bashkëshortes

34-vjeçari në Kodër Kamëz akuzohet për dhunë ndaj bashkëshortes. Asqeri Mandri kishte instaluar kamera në banesë dhe mbante të izoluar gruan e tij. Në pamje shihet teksa 34-vjeçari po luan me vajzat, dhe Mandri çohet dhe dhunon bashlëshorten në sy të fëmijëve të mitur.

Në dëshminë që e reja ka dhënë para uniformave blu tregon se i shoqi ka qenë gjithmonë xheloz, por largimi si emigrant e ka bërë edhe më agresiv.

Ajo tregon se i shoqi është i varur nga bixhozi dhe herë e ndalonte të dilte në punë e herë të tjera i kërkonte pse nuk sillte më shumë para në shtëpi. Episodet e dhunës u bënë të shpeshta ç’ka e detyruan të denoncojë në polici. Kjo dhunë ushtrohej në sy të kunatit dhe vjehrrës por ata nuk folën. Ata jo veç mohojnë dhunën por ngarkojnë me faj nusen e shtëpisë duke e akuzuar se i ka ngritur kurth bashkëshortit duke e kthyer nga emigrimi për ta futur në burg.

“Nusja doli nga rruga e mirë. Shkonte në punë dhe rrogën nuk na e dorëzonte. Djalin nuk e pyeste fare, rrinte në telefon në vesh dashnor pas dashnori. Madje edhe e kam parë duke bërë video në dhomën e gjumit,” shprehet nëna e 34-vjeçarit.

Pas arrestimit, familjarët e Asqeri Mandrit pretendojnë se ai ka shfaqur probleme të shëndetit mendor të cilat do të vlerësohen nga një ekspert mjekoligjor.”

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT