Kryeministri Edi Rama ka bërë sot disa ndryshime të rëndësishme në kabinetin qeveritar, duke shkarkuar dy zv/ministret e Turizmit, Vilma Bello dhe Almira Xhembulla. Në vend të tyre janë emëruar Ilva Gjuzi dhe Sofjan Jaupaj. Jaupaj, i cili më parë mbante postin e Drejtorit për Çështjet Ekonomike dhe Shërbimet Mbështetëse në Ministrinë e Turizmit, ndërsa Gjuzi ka qenë nënkryetare e Asamblesë Socialiste, do të marrin detyrat e reja në Ministrinë e Turizmit dhe Mjedisit.

Ndryshime të tjera janë bërë edhe në Ministrinë e Ekonomisë, Kulturës dhe Inovacionit, ku zv.ministri Endrit Yzeiraj është emëruar në postin e zëvendësministrit për Evropën dhe Punët e Jashtme. Në vend të tij, Blerta Rama është emëruar zv/ministre e Ekonomisë, Kulturës dhe Inovacionit.

Gjithashtu, Silda Çepe (Anagnosti) është emëruar si zëvendësministre në Ministrinë për Evropën dhe Punët e Jashtme, duke zëvendësuar Besar Kadinë dhe Artemis Malon, të cilët tashmë janë caktuar ambasadorë, njëri në Azerbajxhan dhe tjetra në Kanada.

Këto lëvizje përbëjnë një pjesë të reformave të brendshme që kryeministri Rama ka ndërmarrë për të fuqizuar administratën dhe për të sjellë energji të reja në sektorët kryesorë të qeverisjes.