Makina e Drejtoreshës së Tatimeve në Vlorë u djeg gjatë mbrëmjes së kaluar rreth orës 22:15, në një garazh në zonën e ‘Plazhit të Vjetër’, te lagja ‘1 Maj’. Makina, një Volkswagen me targa AA444SV, ishte në pronësi të babait të drejtoreshës së Tatimeve, Muhamet Çota, por përdorej nga vajza e tij, Anjeza Shikos.

Policia ka shoqëruar në komisariat disa të dyshuar lidhur me ngjarjen dhe po punon për zbardhjen e rrethanave të ngjarjes dhe përcaktimin e shkakut të rënies së zjarrit. Burime të Policisë nuk kanë dhënë një version zyrtar në lidhje me shkaqet e zjarrvënies, megjithatë, thuhet se mund të jetë për shkak të detyrës.

Pas ngjarjes, policia ka reaguar menjëherë duke shoqëruar në komisariat disa të dyshuar dhe po punon për të zbardhur rrethanat dhe shkakun e zjarrvënies.

‘Mbrëmjen e djeshme, në lagjen “1 Maji”, Vlorë, ka rënë zjarr dhe është djegur një automjet tip “Volksëagen”, në pronësi të shtetases A. Sh., banuese në Vlorë (funksionare e bashkisë Vlorë). Shërbimet e Policisë kanë shoqëruar në Komisariat, disa shtetas të dyshuar lidhur me ngjarjen. Grupi hetimor po punon për zbardhjen e rrethanave të ngjarjes dhe përcaktimin e shkakut të rënies së zjarrit.’- njofton policia.