Një ditë pasi mbaroi transmetimi i “MasterChef Argentina”, drejtuesja e këtij emisioni, Wanda Nara, u përgjigj për sëmundjen nga e cila vuan. Ajo u rrëfye në “Telefe Noticias”, ku konfirmoi se do ta vazhdojë trajtimin mjekësor në Buenos Aires, më saktë në spitalin “Fundaleu”, ku shërbimi ofrohet saktësisht njësoj siç do të bënin në Milano apo Paris.

Nga Stambolli i Turqisë, në dialog me Cristina Pérez dhe Rodolfo Barilin, gruaja e Mauro Icardit deklaroi: “Ishte një tronditje për të gjithë familjen. Ishte shumë e papritur. Dyshoj nëse duhet të flas apo jo për këtë, sepse ndonjëherë njerëzit mendojnë se po luaj, sëmundja nuk është aq reale. Sidoqoftë, unë kurrë nuk do të luaja me një çështje shëndetësore. Shëndeti është kufiri”.

Në orët e para të së mërkurës, sipas kohës së Stambollit, Wanda foli me drejtuesit e “Telefe Noticias” nëpërmjet video-telefonit, nga pallati ku jeton me bashkëshortin, dy vajzat e tyre dhe dy fëmijët më të mëdhenj, që kishte me Maxi López, pasi më i madhi, Valentino, qëndroi në Argjentinë sepse luan në rangun e ulët të River Plate dhe merr pjesë në një turne që përfundon nëntorin e ardhshëm.

“Dje pamë finalen e ‘MasterChef’ këtu dhe filluam të festojmë, – shtoi Wanda, duke kujtuar se kur regjistroi fundin e ciklit, filloi të qante, e emocionuar, sepse ishte e suksesshme në punën e saj si mikpritëse. – Santiago Del Moro (ish-prezantuesi i ‘reality shoëw’-t) e kishte vendosur stekën shumë lart. Jam mundur të tregohem ashtu siç jam: 110 për qind Wanda”.

Më pas intervista iu kthye temës së shëndetit të saj: “Ndodhi gjithçka shumë shpejt. Një të premte mbarova regjistrimin e ‘MasterChef’, të dielën shkova në Martín Fierro dhe më pas bëra ca analiza rutinë para se të udhëtoja. Ishte tronditëse kur mjekët më thanë se nuk mund të udhëtoj me avion.

Ishte një tronditje për të gjithë familjen. Ishte shumë e papritur. Kur më pyetën nëse do ta denoncoja personin që zbuloi në media sëmundjen time, thashë jo. Nuk do të gjykoj askënd, sepse padyshim që unë kam punuar në këtë biznes që kur kam qenë shumë e re. Mediat, duam apo jo, këtë punë kanë, të japin lajme sensacionale.