Detaje të reja janë bërë publike në lidhje me aksidentin e rëndë që ndodhi mesditën e djeshme në Borsh, ku dy persona humbën jetën dhe dy të tjerë u plagosën rëndë.

Sipas burimeve hetimore, përplasja ka ndodhur pasi një automjet tip “Benz”, që lëvizte me shpejtësi të madhe, ka goditur kokë më kokë një furgon tip “Benz Vito”.

Në furgon udhëtonin bashkëshortët Kastriot dhe Donika Mehmeti, të cilët po transportonin peshk. Për fat të keq, çifti nuk i mbijetoi përplasjes fatale.

Nga përplasja mbetën të plagosur shoferi i automjetit tjetër, Myfit Qejvanaj, i cili është në gjendje të rëndë dhe u transportua me helikopter në Spitalin e Traumës në Tiranë, si dhe pasagjeri Petrit Kapllanaj, i cili po trajtohet nga mjekët.

Autoritetet rrugore dhe policia po vijojnë hetimet për të përcaktuar shkaqet e plota të këtij aksidenti tragjik.