Zbardhen emrat e të arrestuarve lidhur me operacionin e SPAK per mashtrimet call center. Për llogari të SPAK në pranga përfunduan  Irisa Puca dhe Adrian Korriku.

Ndërsa për llogari të Spanjës me qëllim ekstradimi në praga përfundoi Bernardo Saraçaj dhe Erind Pysqyli Gjatë ketij operacioni në bashkëpunim me Eurojust u kontrolluan 15 call center-a,  6 prej të cilave  në Shqipëri, 5 në Gjerogji, 3 në Ukrainë dhe 1 në Maqedoninë e Veriut.

Por pavarësisht operacionit të gjerë ku u përfshi dhe strukturat e huaja, sërish nuk u sekuestrua asnjë shumë parash.

Ditën e djeshme SPAK ka dhënë detaje mbi operacionin e përbashkët në disa Call Centera që mashtronin qytetarë në vende të ndryshme në Europë.

Në njoftimin zyrtar thuhet së dëmet nga këto mashtrimi kapnin vlerën e rreth 50 mln euro çdo tre muaj teksa janë arrestuar 4 persona dhe 6 të tjerë janë shpallur në kërkim.

Nga hetimi i përbashkët ka rezultuar se numri i viktimave të këtij mashtrimi të madh në internet llogaritet në qindra-mijëra persona të cilët janë kryesisht shtetas të vendeve europiane.