Detajet e debatit që ndodhi dje mes kryeministrit Edi Rama dhe dy deputetëve të Pd Edi Paloka dhe Bujar Leskaj.
Deputetët demokratë Edi Paloka dhe Bujar Leskaj ishin dy prej ligjvënësve që u futën në sallën plenare për të votuar për projektbuxhetin pasi më herët kishin qenë në kafenenë që është vetëm për deputetët brenda Parlamentit.
Ndërkohë pasi Toni Gogu mbaroi fjalën, Kryetarja e Kuvendit, Lindita Nikolla, kërkoi 5 minuta pushim sapo teknika e Kuvendit të bëhej gati për të votuar elektronikisht. Në këtë moment, Bujar Leskaj u ul në karrigen e tij, ndërsa deputeti tjetër Edi Paloka nuk ishte ulur akoma. Në atë moment, dy ligjvënësit bisedojnë me njëritjetrin, por për shkak të largësisë nuk dëgjohen se për çfarë. Më pas ndërhyn Kryeministri Rama, i cili i drejtohet duke i thënë që të shkojnë të pijnë alkool sërish. Nga ana tjetër, ishte Edi Paloka, i cili ndërhyri duke i thënë Kryeministrit Rama nëse e kishte ndërruar pjatën. (Proces të cilin e përdorin ata të cilët konsumojnë kokainë).
Më pas deputeti Leskaj shihet duke i folur Palokës, ndërsa nga vendi ku qëndronte Kryeministri Rama i drejtohet sërish Leskajt duke e pyetur se çfarë ka dhe pse ndërhyn. Por deputeti demokrat i kthehet duke e pyetur se përse bën si i fortë pasi ai nuk ishte duke folur me të, por me kolegun e tij. Madje, Leskaj i thotë se nuk i rr…. farë për të (Kryeministrin). Debati ka vijuar me Kryeministrin, i cili i thotë se ata janë ordinerë dhe se janë të pijshëm në seancën parlamentare.
Por Leskaj e mohon dhe i drejtohet kreut të qeverisë, duke i thënë që të përdorë mall të mirë, duke nënkuptuar lëndën psikotrope (kokainë). Sërish ka ndërhyrë Kryeministri nga vendi duke iu drejtuar që deputeti demokrat të shkojë të konsumojë ndonjë kërmë. Por këtu deputeti vlonjat iu kthye duke i thënë “kërma e satëme”. Debati vijoi me kërcënimin e Kryeministrit se do ta shkatërronte dhe me përjashtimin e tyre me 10 ditë nga Parlamenti.
Momente nga debati pa mikrofona i Ramës me Palokën e Leskajn Kryetarja e Kuvendit i jep 5 minuta pushim sa të bëhej teknika gati për votimin e buxhetit, Kryeministri i drejtohet Edi Palokës dhe Bujar Leskajt: Ikni pini tani
Debati i plote:
Edi Paloka-Ramës: A e ndërrove pjatën, e ndërrove pjatën.
Edi Rama: Ti je i pire, ik pi raki.
Bujar Leskaj ndërhyn edhe i flet Edi Palokës
Edi Rama: Bujar, po ti çfarë ke që flet, pse ndërhyn?
Bujar Leskaj-Edi Ramës: Po ti ç’ke që bën si i fortë?
Edi Rama: Pse të fola unë ty apo ti mua?
Bujar Leskaj: Siiiiii?
Edi Rama: Të fola unë ty apo ti mua?
Bujar Leskaj: Unë i fola Edit nuk të fola ty, se nuk më rr…. fare për ty
Edi Rama tund kokën dhe pi ujë
Bujar Leskaj: Ç’ma luan kokën. Pi mall të mirë, pi mall të mirë.
Edi Rama: Ik e ha ndonjë kërm
Bujar Leskaj: Kërma e satëme. Unë nuk e di se çfarë…
Edi Rama: Ta tregoj unë ty, do të shkatërroj. Ju jeni pa fe, pa atdhe
Edi Paloka afrohet drejt Kryeministrit: Kujt i bën presion ti mo. Ore legen, ty të njeh mirë e gjithë Tirana që je legen. O i pafytyr. O b.q. se s’të njohin këta ty, por unë të njoh mire se kush je. Mos kujto se do jesh gjithë kohën me këtë (gardën). Nuk do të mbrojnë këta.
Edi Rama: Po ju jeni tapë more, po ik andej..
Edi Paloka: Jemi ne tapë?! Po ti nga e di ti?! E ndërrove pjatën ti? Ke marrë ‘vizë’?
Edi Rama: Ti je tapë edhe kur je mirë
Më pas Edi Rama i drejtohet Lindita Nikollës: A ka mundësi të dalin jashtë këta të dy (Edi Paloka dhe Bujar Leskaj) që të freskohen?
Gazment Bardhi: Po kush je ti mo që të jep urdhra të dalin jashtë?
