Gjykata e Korçës ka lënë në burg Vahide Shulin, 37-vjeçaren nga Librazhdi, e akuzuar për ushtrim prostitucioni pas një ngjarjeje tragjike që ndodhi në qytetin e Korçës. Më 3 ditë më parë, shtetasi 47-vjeçar, Çelnik Malçellari, u gjet i pajetë në një mjet të parkuar në lagjen nr. 10 të qytetit, ku kishte qenë duke kryer marrëdhënie seksuale kundrejt pagesës me 37-vjeçaren.

Sipas ekspertizës mjekoligjore, 47-vjeçari ka humbur jetën nga hipertensioni, por hetimet kanë zbuluar detaje që e lidhin ngjarjen me ushtrimin e prostitucionit nga ana e Shulit. Më konkretisht, kur viktima ka shfaqur simptoma të sëmundjes, si të vjella dhe rrjedhje gjaku nga hundët, ai ka refuzuar të lajmërojë ambulancën. Pas kësaj, Shuli është larguar nga vendngjarja duke i thënë se po shkon në shtëpi për të takuar bashkëshortin.

Grupi hetimor ka analizuar telefonin e viktimës dhe ka zbuluar një bisedë mes tij dhe 37-vjeçares, duke identifikuar kështu atë si personin që ishte në automjet gjatë ngjarjes. Po ashtu, në momentin e gjetjes së trupit të pajetë, viktima kishte në dorë një kartëmonedhë 500 lekëshe të reja, çka konfirmon dyshimet e policisë për ushtrim prostitucioni nga ana e Shulit.

Sipas dëshmisë të siguruar nga grupi hetimor, 37-vjeçarja Vahide Shuli i ka thënë viktimës se duhet të lajmëronin ambulancën sapo ai shfaqi probleme shëndetësore, por ai nuk e ka lejuar. Më pas, sipas saj, ajo është larguar në shtëpi duke i thënë se e pret bashkëshorti. Këto ishin fjalët që e arrestuara dha në polici.

Ndërkohë sipas grupit hetimor në momentin e parë të njohjes me ngjarjen, viktima është gjetur gjysmë i zhveshur dhe në një dorë kishte një kartëmonedhë 500 lekëshe (të reja), çka konfirmon atë që policia ka dhënë në një komunikim zyrtar për ushtrimin e prostitucionit nga ana e 37-vjeçares.

Sipas një njoftimi të policisë, “Në vijim të veprimeve hetimore, është bërë e mundur identifikimi i shtetases V. Sh., e cila rezulton se ka qenë në automjet duke kryer marrëdhënie seksuale me shtetasin M. Ç., kundrejt pagesës. Hetimet kanë zbuluar se 47-vjeçari ka humbur jetën për shkak të hipertensionit”.

Vahide Shuli është arrestuar në flagrancë dhe akuzohet për veprën penale “Prostitucioni”. Ndërkohë, policia vazhdon hetimet për të sqaruar plotësisht rrethanat e rastit, ndërsa materialet procedurale janë dërguar në Prokurorinë e Korçës për shqyrtim.