Autoritetet kineze kanë miratuar së fundmi përdorimin e vaksinës së prodhuar prej tyre, “Sinovac”, edhe te fëmijët, midis moshave 3 e 17-vjeç.

Lajmi është bërë i ditur nga CEO i kompanisë Yin Weidong.

Kompania e njohur e vaksinave kineze, aktualisht, e kishte miratuar vaksinën për përdorim, nga mosha mbi 18 vjeç. Kjo masë do të ndikojë sipas autoriteteve, në uljen e infektimeve dhe imunizimit e popullësisë.

Yin tregoi së është e vërtetë që të miturit paraqesin simptoma të lehta, por ata, janë potencial i transmetimit të virusit te moshat e treta, të cilat janë edhe më të rrezikuara.

Rezultatet paraprake nga provat klinike të Fazës I dhe II treguan se vaksina mund të shkaktojë përgjigje imune në pjesëmarrësit tre deri në 17 vjeç dhe reagimet më të rrezikshme, ishin pa probleme serioze për shëndetin.