Policia e Shkodrës ka vënë në pranga një 33-vjeçar, i shpallur në kërkim për veprimtari kriminale të lidhur me narkotikët. Sipas njoftimit zyrtar të policisë, ky shtetas, me inicialet L. P., ishte shpallur në kërkim pas vendimit të Gjykatës së Shkallës së Parë të Juridiksionit të Përgjithshëm Shkodër, e cila i kishte caktuar masën e sigurisë “Arrest në burg”. Vendimi lidhej me akuzën për veprën penale “Prodhimi dhe shitja e narkotikëve”, në kuadër të një hetimi të kryer më parë me metoda speciale.

Arrestimi i tij u realizua nga specialistët për Hetimin e Narkotikëve, në bashkëpunim me shërbimet e Forcës së Posaçme “Shqiponja”. Operacioni i zhvilluar në këtë rast u kodua “Survey”.

Materialet procedurale janë referuar tashmë Prokurorisë për veprime të mëtejshme në lidhje me këtë rast.