Pas përfundimit të “Big Brother”, ku Olta Gixhari dhe Kiara Tito patën një raport të ngrirë për shkak të përplasjes së forta gjatë lojës, dy vajzat duket se kanë kapërcyer mospajtimet e tyre. Fillimisht, ato pranonin se nuk do të kishin më asnjë lidhje me njëra-tjetrën, por tashmë raporti mes tyre është rikuperuar.

Në një event të zhvilluar në Tiranë, Olta dhe Kiara janë parë së bashku, duke komunikuar me blogeren Sara Hoxha. Kiara ka qenë ajo që është ulur në tavolinën ku ishin Sara dhe Olta, dhe dy vajzat kanë qëndruar pranë njëra-tjetrës për gjithë mbrëmjen.

Blogerja Sara Hoxha ka shërbyer si ndërmjetësja e bisedimeve mes dy vajzave, duke i afruar pas konflikteve të kaluara. Edhe pse nuk mund të thuhet se janë bërë mikesha të ngushta, Olta dhe Kiara kanë arritur të kalojnë mospajtimet e mëparshme dhe të komunikojnë normalisht.