Sot, më 16 dhjetor 2024, Altin Kodra është vendosur në Regjim të Posaçëm (41-bis) në burgun e sigurisë së lartë të IEVP-së Peqin për një afat prej 1 viti. Ky kalim është bërë nëpërmjet Urdhërit Nr. 623 të Ministrit të Drejtësisë, për vendosjen në regjim të posaçëm të të drejtat në institucionin e ekzekutimit të vendimeve penale të sigurisë së lartë.

Altin Kodra është dënuar me 22 vjet burgim nga Gjykata e Shkodrës për vrasje me dashje dhe mbajtje pa leje të armëve luftarake. Gjatë periudhës së vuajtjes së dënimit, ai ka kryer edhe vepra të tjera penale, përfshirë largimin nga vendi i qëndrimit dhe futjen e sendeve të ndaluara në IEVP, për të cilat është dënuar me disa vendime të tjera.

Regjimi 41-bis është një masë e sigurisë së lartë që aplikohet për të burgosurit të cilët janë të përfshirë në veprime të rënda penale, përfshirë grupe kriminale, organizata terroriste dhe banda të armatosura. Ky regjim ka për qëllim të parandalojë aktivitetet kriminale nga brenda burgut dhe të rrisë sigurinë.