Numri i viktimave nga sulmi në tregun e Krishtlindjeve në Magdeburg të premten është rritur në katër, ndërsa rreth 205 persona janë plagosur, 41 prej të cilëve janë në gjendje më të rëndë.
Sipas raporteve të mediave gjermane, autori i sulmit ka rezultuar pozitiv në testin e drogës. Ai nuk ishte i njohur për autoritetet si një ekstremist islamik, megjithatë postimet e tij në internet sugjerojnë se ai kishte qenë kritik ndaj Islamit.
Kancelari gjerman Olaf Scholz ka shprehur ngushëllime për viktimat dhe familjet e tyre, duke theksuar se qeveria gjermane qëndron krah njerëzve të Magdeburgut në këtë moment tragjik. Ai gjithashtu falënderoi ekipet e urgjencës që po punonin në vendngjarje për ndihmën e shpejtë dhe efikase që ofruan.
