Kryetari i Lëvizjes “Shqipëria Bëhet”, Adriatik Lapaj, ka bërë një reagim të fortë në rrjetin social Facebook, ku ka kritikuar ashpër kryetarin e Bashkisë së Tiranës, Erion Veliaj. Në postimin e tij, Lapaj e cilëson Veliajn si një simbol të keqpërdorimit të besimit publik dhe një model të keq për politikën shqiptare.

Ai përmendi me tone të ashpra prishjen e Teatrit Kombëtar, një ngjarje që ende mbetet e ndjeshme në opinionin publik, duke e quajtur një akt të arrogancës dhe abuzimit me pushtetin lokal. Sipas tij, Bashkia e Tiranës ka mbledhur rreth 2 miliardë euro në një dekadë, të cilat, sipas Lapajt, janë keqpërdorur në mënyrë barbare.

Lapaj akuzoi gjithashtu Veliajn për arrogancë ndaj qytetarëve të thjeshtë, duke përmendur rastet e përndjekjes së tregtareve të vogla, ndërkohë që, sipas tij, ka lejuar një “masakër urbane” me ndërtime të pakontrolluara në kryeqytet.

Adriati Lapaj kryetar i levizjes ‘Shqiperia Behet’ ka postuar ne facebok 

“Erion Veliaj është simbol i keqpërdorimit të besimit publik. Është modeli i keq që kujtdo kërkon të merret me politikë ia përplasin në surrat. 

Do bëhesh si Erioni thonë…njësoj si gogoli që u tregohet fëmijëve kur bëjnë rrëmujë.

Nuk do e harroj kurrë arrogancën e prishjes së Teatrit Kombëtar me protestues brenda godinës bazuar te arroganca e vendimit të Këshillit Bashkiak të drejtuar nga Erion Veliaj. 

Në 10 vite bashkia ka mbledhur nga qytetarët rreth 2 000 000 000 euro që janë keqpërdorur në mënyrë barbare.

Është politikani që u tregua i fortë me nënat që shisnin spinaq dhe vezë, por lejoi masakër urbane me ndërtimet kudo në Tiranë.

Inkurajoj Spak të hetojë tej tij edhe shefin e tij, Edi Ramën. 

Rilindja është sekti që vodhi partinë socialiste nga socialistët dhe përmes saj shkatërroi Shqipërinë.”