Policia e Tiranës ka arrestuar një 46-vjeçar, i cili u kap duke shitur lëndë piroteknike në makinën e tij. Gjatë kontrollit, në automjetin e tij u gjet dhe u sekuestrua një sasi fishekzjarrësh dhe kapsollash të llojeve të ndryshme.

Në vijim të operacioneve për parandalimin e shitjes dhe përdorimit të lëndëve piroteknike, shërbimet e Komisariatit Nr.1, gjatë një kontrolli në rrugën “Ali Shefqeti”, konstatuan shtetasin S.A., 46 vjeç, duke shitur këto produkte të rrezikshme. Pas procedurave, materialet iu referuan Prokurorisë për veprime të mëtejshme.

Policia e Tiranës apelon për shmangien e tregtimit dhe përdorimit të lëndëve piroteknike dhe fishekzjarrëve pa leje, duke theksuar rrezikun për sigurinë publike, jetën dhe shëndetin e njerëzve.