Mbrëmjen e kësaj të enjteje, në afërsi të teatrit të Korçës, një aksident i rëndë ka ndodhur kur një automjet ka zënë këmbën e një të riu që po lëvizte me skuter. Sipas informacionit të parë, mjeti kishte intensjonin të hynte në parkim, por i riu me skuter ka kaluar pa u vënë re nga shoferi i automjetit dhe ka mbetur i bllokuar nga rrota e tij.
Menjëherë pas aksidentit, i plagosuri është transportuar në spital për mjekim të specializuar. Ndërkohë, autoritetet e policisë kanë mbërritur në vendngjarje dhe po kryejnë hetimet për të zbardhur plotësisht rrethanat e këtij aksidenti. Policia po shqyrton kamerat e sigurisë dhe po interviston dëshmitarët për të sqaruar shkakun dhe përgjegjësinë për ngjarjen.
