Në mbledhjen e Këshillit Bashkiak të Tiranës, kryebashkiaku Erion Veliaj ka folur për vizitën e tij në SPAK, ku qëndroi për mbi 5 orë. Ai ka theksuar se është denoncuar në mënyrë anonime dhe ka shprehur se disa individë, që nuk mund ta mundin në betejat politike, kanë zgjedhur këtë rrugë për ta sulmuar.

Veliaj theksoi se personi që ka bërë denoncimin, Nesti Angoni, nuk ekziston dhe se këto janë thjesht akuza të pabaza. Ai shtoi se ai dhe politikanët e tjerë si ai, nuk janë të frikësuar nga letrat anonime dhe se do të vazhdojnë të punojnë për popullin, duke e marrë çdo sfidë me seriozitet. Kryebashkiaku theksoi se “nuk na mundin dot me letra anonime” dhe se do të vazhdojnë të qëndrojnë të fortë përballë çdo akuze të paqëndrueshme.

“Jam denoncuar në mënyrë anonime. E kuptoj që disa njerëz që nuk na mundin dot në betejë, i janë kthyer letrave anonime. Personi Nesti Angoni, ai që ka bërë denoncimin, nuk ekziston”, tha Veliaj.


Kryebashkiaku i Tiranës shtoi: “Unë hyj te ajo racë politikanësh që nuk i thotë SPAK-ut, SKAP. As nuk i them plaç, edhe pse letra ishte anonime. Këtu do jemi, dhe do ta shikojmë ku është populli. Nuk na mundin dot me letra anonime”.