Një nga të mbijetuarit e aksidentit ajror tragjik në Kazakistan, Subhonkul Rakhimov, ka ndarë përjetimet e tij tronditëse nga momentet kritike të fluturimit J2-8243 të ‘Azerbajxhan Airlines’.

Nga ky aksident, që ndodhi afër Grozny në Rusi, mbijetuan vetëm 29 pasagjerë, ndërsa të paktën 38 persona humbën jetën.

Rakhimov rrëfeu për agjencinë Reuters se gjatë afrimit për në Grozny, ai dëgjoi një zhurmë të fortë që u pasua nga një ndjenjë e tmerrshme e pashmangshmërisë. “Avioni po sillej sikur të ishte i dehur,” tha ai, duke përshkruar lëvizjet e çrregullta të mjetit fluturues pas zhurmës.

Sipas hetimeve paraprake, aksidenti mund të jetë shkaktuar nga një “ndërhyrje e jashtme fizike dhe teknike”, ndërsa burime të ndryshme kanë ngritur dyshime se sistemi rus i mbrojtjes ajrore mund të ketë qenë i përfshirë në rrëzimin e avionit.

Pas tragjedisë, Azerbajxhan Airlines ka pezulluar disa nga fluturimet e saj drejt qyteteve ruse, ndërsa hetimet për shkaqet e sakta të aksidentit vazhdojnë.