Një aksident automobilistik ka ndodhur pak minuta më parë në aksin rrugor Fier-Kraps, ku një automjet është përplasur me një motocikletë. Përplasja ka qenë e fortë, duke bërë që drejtuesi i motorit të përfundojë në rrugë me dëmtime të konsiderueshme.
Në vendngjarje kanë mbërritur menjëherë policia dhe ambulanca, e cila ka transportuar të dëmtuarin me urgjencë drejt Spitalit Rajonal të Fierit. Fatmirësisht, ai ndodhet jashtë rrezikut për jetën dhe po trajtohet nën kujdesin e mjekëve.
Grupi hetimor ndodhet në vendngjarje dhe po punon për zbardhjen e plotë të rrethanave dhe shkaqeve të aksidentit. Policia u bën thirrje drejtuesve të mjeteve për kujdes të shtuar në respektimin e rregullave të qarkullimit rrugor për të shmangur incidente të ngjashme.
