Ish-mesfushori i njohur i Liverpoolit, Deni Mërfi, ka shprehur besimin se Armando Broja mund të jetë çelësi për mbijetesën e Evertonit në Premier Ligë. Në një intervistë për emisionin “Match of the Day” në BBC, Mërfi theksoi rëndësinë e Brojës për skuadrën.

“Nuk mund të mbështetesh vetëm te ndeshjet pa pësuar gola çdo javë në Premier Ligë. Tani ata kanë Brojën në gjendje të mirë fizike; ai e nisi ndeshjen këtë radhë, por i duhet pak kohë të gjejë ritmin e tij,” tha Mërfi.

Ai shtoi se Broja mund të kontribuojë me gola dhe prani fizike në sulm, duke u shprehur: “Ai do t’u sigurojë më shumë gola, pak më shumë prani fizike përpara, bashkë me Kalvert-Ljuin. Kjo mund t’i ndihmojë më shumë, por do të duhet të bëjnë më mirë në një të tretën e fundit të fushës.”

Broja, i cili u transferua në Everton nga Chelsea në fund të afatit kalimtar të verës, ka pasur një fillim të ngadaltë në Premier Ligë, por shpresohet se me kalimin e kohës do të përshtatet dhe të kontribuojë më shumë në sulmin e skuadrës.