Një ngjarje e rëndë ka tronditur Malin e Zi, ku numri i viktimave nga një incident me armë zjarri në Cetinjë ka arritur në 7, me raportime se bilanci mund të jetë edhe më i rëndë. Sipas mediave vendase, mes viktimave dyshohet se ka edhe fëmijë.
Ngjarja ka nisur si një konflikt që ka eskaluar në konfrontim fizik dhe më pas në përdorimin e armës së zjarrit. Autori i dyshuar, Aco Martinoviç, tashmë është identifikuar nga policia, e cila është në kërkim të tij.
Forcat e rendit kanë izoluar zonën dhe u kanë bërë thirrje banorëve që të qëndrojnë në banesat e tyre deri në neutralizimin e situatës. Autoritetet kanë sqaruar se ky nuk është një përplasje midis grupeve kriminale, por një incident i izoluar.
Hetimet po vazhdojnë për të sqaruar rrethanat dhe motivet e plota të kësaj ngjarjeje tragjike, ndërsa autoritetet malazeze kanë premtuar transparencë të plotë për publikun.
