Mjegulla e dendur ka kapluar qytetin e San Franciskos, duke krijuar një pamje mahnitëse dhe misterioze mbi urën e famshme “Golden Gate”. Kjo pamje e veçantë është kapur nga fotoreporteri i Anadolu në lokacionin Marin Headlands, duke ofruar fotografi mbresëlënëse të kësaj strukture ikonike.

Ura “Golden Gate”, e cila ndodhet në San Francisco, Kaliforni, është një simbol i qytetit dhe një nga urat më të njohura në botë. Ajo mori emrin e saj nga ngushticën e Golden Gate, e cila ndan qytetin nga Oqeani Paqësor. Ura u ndërtua ndërmjet viteve 1933 dhe 1937 dhe u hap për publikun më 28 maj 1937.

Me një peshë prej 887 mijë tonësh dhe një gjatësi prej 1.280 metrash, ura ka qenë një arritje inxhinierike e jashtëzakonshme për kohën e saj. Pas ndërtimit, “Golden Gate” u konsiderua si ura më e madhe e varur në botë dhe është e njohur për strukturën e saj të paharrueshme dhe pamjen spektakolare, sidomos kur mbulohet nga mjegulla e dendur që shpesh përfshin këtë pjesë të qytetit.