TikTok ka rifilluar funksionimin në SHBA vetëm disa orë pas ndalimit të tij, i cili ishte vendosur për shkak të një urdhri të pritur nga Presidenti i sapozgjedhur Donald Trump. Ky veprim i Presidentit ka vonuar ndalimin e aplikacionit dhe e ka mundësuar rikthimin e tij për përdoruesit amerikanë.

Rreth 12 orë pas mbylljes së parë, përdoruesit në SHBA kanë rifituar qasjen në TikTok, ndonëse faqja ende shfaq një paralajmërim për mbylljen e mundshme. Ndërkohë, gjatë natës së shtunës, TikTok ishte mbyllur plotësisht për amerikanët, të cilët ishin njoftuar me një mesazh që njoftonte për mbylljen për shkak të një ndalimi që ishte konfirmuar nga Gjykata e Lartë. Përdoruesit u këshilluan të “qëndrojnë të sintonizuar” për më shumë informacion.

Vendimi për mbylljen e aplikacionit pasoi disa javë pasiguri dhe e la të papërdorshëm TikTok për rreth 170 milionë përdorues amerikanë. Për shumë prej tyre, aplikacioni është një mjet i rëndësishëm për informim, argëtim dhe shpesh edhe për siguruar jetesën.

Sipas ligjit, aplikacioni do të ishte mbyllur në SHBA deri të dielën, nëse nuk do të largohej nga pronësia kineze. Megjithatë, ligji lejon që Presidenti të vonojë zbatimin e tij për 90 ditë përmes një urdhri ekzekutiv. Trump ka treguar se do të firmosë këtë urdhër pasi të bëjë betimin të hënën.