Mbështetës të shumtë të Presidentit të ri të SHBA, Donald Trump, kanë mbushur rrugët e Uashingtonit, duke sfiduar temperaturat e ulëta në pritje të ceremonisë së inaugurimit.

Për shkak të kushteve të acarta të motit, ceremonia është zhvendosur në Capital One Arena, ku qytetarët po rreshtohen me entuziazëm për të marrë pjesë në këtë moment historik.

Ngjarjet e inaugurimit nisën me një shërbim tradicional në Kishën e Shën Gjonit, pranë Shtëpisë së Bardhë, ku kanë marrë pjesë figura të njohura politike dhe ish-presidentë.

Në event janë parë të mbërrijnë personalitete të rëndësishme si Rudy Giuliani, një nga bashkëpunëtorët më të afërt të Trump, Robert F. Kennedy Jr., i zgjedhur për të drejtuar Departamentin e Shëndetësisë, si dhe Tulsi Gabbard, e cila do të jetë në krye të Drejtorisë së Inteligjencës Kombëtare.