Një makinë është përfshirë nga flakët mëngjesin e kësaj të marte në kryeqytet, duke shkaktuar panik dhe vështirësi në qarkullim.

Ngjarja ka ndodhur në aksin rrugor pranë “Piramidës”, ku automjeti ka marrë flakë teksa ishte në lëvizje. Pamjet e siguruara tregojnë sesi tymi i dendur ka mbuluar zonën, ndërsa ende nuk dihen shkaqet e sakta të incidentit.

Zjarri ka shkaktuar një shtim të trafikut në zonë, ndërsa autoritetet po punojnë për të zbardhur shkaqet e ngjarjes.