Një debat i ashpër ka ndodhur mes Loredanës dhe Gjestit në dhomën e gjumit, ku tema kryesore ishte dasma e Loredanës me partnerin e saj, Jozin dhe raporti i tyre.
Gjatë bisedës, Gjesti e përmendi vazhdimisht dasmën, duke sjellë një tension të dukshëm mes tyre. Në një moment, Loredana e krahasoi Gjestin me Luizin, fituesin e edicionit të dytë të Big Brother VIP Albania, duke nënkuptuar se ai po mundohej të ndiqte stilin e tij.
E kapur ngushtë nga ky krahasim, Gjesti e mori me humor, duke i thënë:
“A me atë po më krahason, me mbretin? Faleminderit shumë, unë paskam qenë më i dobët. Shuj se mirë qenkam.”
Gjesti gjithashtu theksoi lidhjen e tij të fortë me Kosovën, duke përmendur babanë e tij që kishte luftuar me UÇK-në.
Por Loredana nuk e la me kaq, duke i dhënë përgjigjen e saj të prerë:
“Je një kopje e keqe dhe nuk mund të bëhesh kurrë si ai.”
Kjo përplasje ka nxitur reagime të shumta mes ndjekësve, të cilët po diskutojnë në rrjetet sociale për dinamikën e fortë mes dy konkurrentëve.
