Një 56-vjeçar shqiptar, i identifikuar si Ilir Muçmata, është dënuar me 12 muaj burg në Angli pasi akuzohet për kultivimin e lëndëve narkotike. Mediat ndërkombëtare raportojnë se ai u arrestua në vendngjarje, ku oficerët gjetën 100 bimë narkotike, pajisje të specializuara për rritjen e drogës dhe peshore.

Në një deklaratë pas dënimit, një zyrtar i gjykatës theksoi se ky është një shembull i mirë i punës së vazhdueshme për pastrimin e rrugëve nga droga ilegale dhe mbrojtjen e komunitetit nga krimi dhe dëmi që shkakton aktiviteti i paligjshëm i drogës.