Kreu i Partisë Demokratike, Sali Berisha, ka kundërshtuar publikimin e Kryeministrit Edi Rama mbi situatën shëndetësore të Ëngjëll Agaçit, Sekretarit të Përgjithshëm të Kryeministrisë. Rama kishte njoftuar se Agaçi ndodhet në spital në Itali, pasi kishte kaluar një operacion të rëndë dhe po trajtohej për komplikacione shëndetësore.

Berisha ka hedhur dyshime mbi deklaratën e Ramës, duke sugjeruar se Agaçi është fotografuar në kafene në Romë dhe se informacionet për gjendjen e tij shëndetësore janë të pasakta. Ai kërkoi që Rama të publikojë emrin e spitalit dhe klinikës ku po kurohet Agaçi, duke theksuar se, nëse situata është e vërtetë, nuk ka arsye për të fshehur këto detaje.

“Ai ka një muaj që është zhdukur. Nuk tregojnë as spital, as klinike, përkundrazi nga Roma vijnë foto nëpër kafene. Por po të ishte e vërtetë, ai tregon spitalin, kliniken.Të pyes Edi Ramën, por kur hoqe zorrën qore çte shtyu të publikosh foton ditën e parë. Pse ti operacionin nuk e mbajte sekret, kurse tani për Agaçion sekret spitali, sekret largimi. Jo vetëm kaq, por Vilma e pushuar nga ambasada e SHBA për fshehje akti kriminal emërohet në vend të tij”, tha Berisha.

Berisha kërkoi transparencë dhe sqarime për situatën e Agaçit dhe e quajti këtë situatë si një tentativë për të fshehur diçka që nuk është e qartë.