Këshilli i Ministrave i Republikës së Shqipërisë ka miratuar një vendim për ndërprerjen e aksesit në platformën online TikTok për një periudhë prej 12 muajsh. Ky vendim, që ka për qëllim mbrojtjen e fëmijëve dhe shmangien e ndikimeve negative, fokusohet në parandalimin e dhunës dhe përmbajtjeve të dëmshme që mund të ndikojnë në zhvillimin psiko-social të fëmijëve dhe rinisë.
Qeveria ka theksuar se ndërprerja e TikTok do të zgjasë deri në realizimin e instrumenteve teknike nga ana e platformës që rregullojnë aksesin e fëmijëve dhe përmbajtjet e dëmshme.
Sipas vendimit, në rast se platforma TikTok realizon filtrat e nevojshëm për të mbrojtur fëmijët, mund të rivlerësohen masat dhe të vendosen masa të reja. Pjesë e këtij vendimi është gjithashtu angazhimi i Ministrisë së Arsimit dhe Sporteve për të negociuar me përfaqësuesit e platformës dhe të tjera për të adresuar problematikat në fushën e sigurisë publike dhe sociale.
Ky vendim është mbështetur në disa ligje dhe nenet e Kushtetutës, duke përfshirë edhe mbrojtjen e të drejtave të fëmijës dhe sigurinë e të dhënave personale.
