Një ngjarje e rëndë ka ndodhur në Belgjikën perëndimore, ku një urë në autostradën E42 është shembur pjesërisht, duke plagosur katër persona. Sipas raportimeve, njëri prej të lënduarve ndodhet në gjendje kritike.

Aksidenti ndodhi pranë komunës La Louvière, afër Mons, në një kantier ndërtimi ku po punohej për prishjen e urës. Për shkak të punimeve, ura ishte mbyllur për qarkullim, por shumë vinça ndodheshin mbi të kur ndodhi shembja. Si pasojë, një prej vinçave përfundoi mbi një maune poshtë.

Mediat belge raportojnë se në momentin e aksidentit, dymbëdhjetë persona po punonin në kantierin e ndërtimit. Autoritetet kanë nisur hetimet për të zbuluar shkaqet e shembjes dhe për të garantuar sigurinë në zonë.