Kryeministri Edi Rama ka mbajtur një mbledhje të gjerë me ministrat, kryesinë e Grupit Parlamentar dhe drejtuesit politikë të PS-së në vilën qeveritare të Pallatit të Brigadave. Mbledhja ka zgjatur rreth 6 orë dhe ka pasur disa pika kryesore diskutimi.

Një nga temat kryesore ka qenë vota e diasporës, që është një sfidë e rëndësishme për Partinë Socialiste, për të siguruar pjesëmarrjen e shqiptarëve jashtë vendit në zgjedhjet e ardhshme.

Gjithashtu, është diskutuar përmbyllja e listës së kandidatëve për 12 qarqet, e cila duhet dorëzuar në Komisionin Qendror të Zgjedhjeve deri më 12 mars. Kjo është një detyrë e rëndësishme për PS-në, pasi lista përfshin kandidaturat për zgjedhjet e 11 majit.

Në mbledhje, është bërë gjithashtu një analizë e brendshme e punës së deritanishme, si dhe një vlerësim i angazhimit të anëtarëve të partisë, për të përgatitur PS-në për zgjedhjet e ardhshme.