Pas ngjarjeve të fundit në vend, ku 4 persona u vranë në Velipojë ka reaguar edhe deputeti i zgjedhur i Partisë Demokratike, Ervin Salianji.
Nëpërmjet një postimi në rrjete sociale, Salianji shkruan se asgjë nuk është e sigurt, duke shtuar se qytetarët janë në ankth për jetën, pronën dhe familjen.
Salianji thekson se Shqipëria ka nevojë që të çlirohet nga krimi, të ndëshkohen kriminelët dhe jo të promovohen ata.
Postimi i Salianjit
Asgje e sigurt!
Qytetarët në ankth për jetën,pronën, familjen!
Policia në prangat e krimit dhe e terrorizuar nga banditët patronazhistë me pushtet politik.
Kriminelet të pushtetshem dhe të lirë, tallen e qeshin me institucionet dhe vendin!
Qeveria vetëm dërdëllis për të shmangur përgjegjësitë!
Shqipëria ka nevojë për çlirimin nga krimi, për ndëshkimin dhe jo promovimin e kriminelëve, për mbajtjen e përgjegjësisë, Shqipëria ka nevojë për ndryshim!”, shkruan Salianji.
