Kreu i Partisë Demokratike, Sali Berisha, ka bërë një thirrje të fortë ndaj emigrantëve nga Kukësi, duke i kërkuar që të mos votojnë për Partinë Socialiste, të cilën ai e akuzoi si armik të kombit.

Në një takim elektoral, Berisha u shpreh:

“Asnjë votë për këtë armik të kombit. Qëndroni njerëz të lirë. Votoni për Kukësin, jo për pashiqin e shqiptarëve.”

Berisha akuzoi qeverinë për ushtrim presioni ndaj punonjësve të administratës, duke përmendur raste ku kërkohet fotografimi i votës, dhe i bëri thirrje qytetarëve të mos i nënshtrohen këtij shantazhi:

“E di që ka punonjës administrate që u luten e stërluten: ‘Fotografomi votën se ma kërkon shefi’. Asnjë fotografi mos bëni. Qëndroni të lirë.”

Ai kërkoi nga qytetarët të votojnë për veriun e Shqipërisë dhe për kombin, duke i bërë thirrje të mos bien pre e frikës apo presionit politik:

“Mos u bëni bashkëfajtorë. Votoni për Kukësin, Hasin, Tropojën. Votoni për Shqipërinë, jo për armikun e saj.”

Kjo deklaratë e Berishës vjen në prag të zgjedhjeve, ku emigrantët shihen si faktor kyç, veçanërisht në zona me pjesëmarrje të ulët lokale.