Një ngjarje e pazakontë ka ndodhur në Greqi, ku një grua ka paraqitur kërkesën për divorc duke u bazuar në një përgjigje të dhënë nga Inteligjenca Artificiale, konkretisht nga ChatGPT.

Sipas raportimeve nga Protothema.gr, gruaja i kërkoi ChatGPT të “i lexonte për kafen”, në mënyrë metaforike, për të marrë një mendim për marrëdhënien e saj bashkëshortore. Përgjigja e sistemit e shtyu të besonte se bashkëshorti i saj po e tradhtonte, gjë që solli një reagim të menjëhershëm.

E bindur nga përgjigjja që mori, gruaja jo vetëm që e përzuri burrin nga shtëpia, por edhe bëri menjëherë kërkesën për divorc, ndërkohë që burri, i zënë në befasi, vazhdon të përpiqet të kuptojë se si Inteligjenca Artificiale mund të ketë ndikuar në një vendim kaq drastik.

Ngjarja ka ngjallur diskutime të shumta në rrjetet sociale, ku përdoruesit janë ndarë mes habisë, humorit dhe shqetësimit për ndikimin gjithnjë në rritje të teknologjisë në jetën personale dhe marrëdhëniet ndërnjerëzore.