Ish-konkurrentja e “Big Brother VIP Albania”, Mikela Pupa, ka ndarë me ndjekësit e saj një lajm jo të mirë, duke njoftuar se këtë javë ka pasur dy aksidente me makinë. Ajo theksoi se, falë Zotit, gjithçka ka shkuar mirë dhe se është shpëtuar pa dëme serioze. Mikela shtoi se makinë e saj e mori nga servisi, por ndau shqetësimin e saj për sjelljen e disa drejtuesve të automjeteve, sidomos në rreth-rrotullime, ku disa njerëz nuk respektojnë rregullat e qarkullimit dhe shpesh janë në garë për të kaluar më parë.

Në postimin e saj në InstaStory, Mikela shkruan: “Këtë javë dhe unë kam bërë 2 aksidente. Çdo gjë është shumë mirë, shyqyr Zotit, dhe makinën e mora sot nga servisi. Por… pse më shumë njerëz nuk respektojnë asnjë rregull, sidomos në rreth-rrotullim? Ju lutem! Udhëtoni me kujdes.”

Mikela shprehu frikën e saj, duke përmendur se në të dyja aksidentet kishte vajzën e saj të vogël në makinë, dhe kërkoi që të gjithë drejtuesit të jenë më të kujdesshëm në rrugë.