Në orën 18:30, në kryqëzimin Velia në Peshkopi, ka ndodhur një aksident i rëndë. Një 27-vjeçar me iniciale A.Sh., duke drejtuar një automjet tip “Golf”, dyshohet se ka humbur kontrollin mbi drejtimin dhe është përplasur me një dyqan.

Si pasojë e aksidentit, është dëmtuar V.Gj., një punonjës policie që ndodhet në spital përkujdesin mjekësor. Sipas informacioneve paraprake, drejtuesi i automjetit ishte nën ndikimin e alkoolit dhe është shoqëruar në komisariat për veprime të mëtejshme ligjore.

Grupi hetimor ka mbërritur në vendngjarje dhe po punon për të zbardhur të gjitha rrethanat e aksidentit.