SHKODËR – Një zjarr i përmasave të konsiderueshme ka përfshirë mëngjesin e sotëm një varrezë automjetesh në fshatin Bërdicë të Shkodrës, duke shkaktuar djegien e tre makinave dhe të një zyre pune.

Sipas informacionit zyrtar të Policisë së Shkodrës, ngjarja ndodhi rreth orës 05:30, në pronën e shtetasit L.P., 32 vjeç. Menjëherë pas sinjalizimit, në vendngjarje kanë mbërritur shërbimet zjarrfikëse dhe forcat e policisë, të cilat kanë ndërhyrë për neutralizimin e flakëve dhe për marrjen e provave nga vendi i ngjarjes.

“Rreth orës 05:50, në fshatin ‘Bërdicë’, ka rënë zjarr në një varrezë automjetesh në pronësi të shtetasit L. P., 32 vjeç. Si pasojë janë djegur 3 automjete dhe një zyrë pune. Shërbimet zjarrfikëse dhe policia ndodhen në vendngjarje ku po punojnë për zbardhjen e plotë të shkakut të rënies së zjarrit dhe për sqarimin e rrethanave të ngjarjes,” thuhet në njoftimin zyrtar.

Ende nuk dihen shkaqet e sakta të zjarrit, ndërsa nuk raportohet për persona të lënduar. Policia po heton në të gjitha pistat, përfshirë mundësinë e një zjarrvënieje të qëllimshme.