Ndërkohë në Prishtinë, ka dështuar për herë të 29-të përpjekja për konstituimin e legjislaturës së re të Kuvendit të Kosovës, duke thelluar më tej ngërçin institucional. Ministrja Gërvalla, e cila foli edhe për këtë çështje, akuzoi opozitën për bllokimin e procesit dhe bëri thirrje për unitet kombëtar.

“Shkelja e vendimit të Gjykatës Kushtetuese çdo 48 orë, që kërkon pjesëmarrjen e deputetëve në votim, është e papranueshme. Në këto ditë kur fjalën ‘unitet’ e dëgjojmë shpesh, ne kemi nevojë për unitet për shtet, jo për pushtet”, u shpreh Gërvalla. Sipas saj, vetëm përmes konstituimit të Kuvendit mund të tregojë vendosmëria për demokraci funksionale.

Gërvalla theksoi se partitë opozitare nuk po ofrojnë as zgjidhje për zgjedhje të reja dhe as nuk po sfidojnë kryeministrin aktual, Albin Kurti, për formimin e një qeverie të re. Ajo theksoi se “vota e fshehtë mbetet instrumenti më demokratik në shoqëritë demokratike” dhe u shpreh e bindur se vetëm përmes saj mund të zgjidhet bllokada aktuale.

Situata në Kosovë mbetet e tensionuar, si në planin politik të brendshëm, ashtu edhe në raportet me Serbinë, me ndalimin e Spahiut që pritet të shtojë edhe më tej tensionet diplomatike mes dy vendeve.