Prej disa muajsh, sjellja e këngëtarit Justin Bieber në rrjete sociale ka ngjallur dyshime dhe shqetësim mes ndjekësve të tij. Postimet e pazakonta, mimika të çuditshme dhe mungesa e një ritmi të qëndrueshëm në publikimet e tij kanë shtuar spekulimet për gjendjen e tij mendore.
Kjo situatë u përkeqësua edhe më tej këtë javë, kur një fans publikoi bisedën me gjyshin e këngëtarit, i cili shprehte shqetësimin për Justin: “Jam i shqetësuar për Justin Bieberin.” Përgjigja e këngëtarit nuk vonoi dhe ajo ishte e drejtpërdrejtë, por edhe e ftohtë: “Kujdesu për veten, gjysh.”
Ky reagim ka ngjallur reagime të ndryshme tek fansat: disa e konsideruan si një shaka, ndërsa të tjerë e panë si një sinjal alarmi për gjendjen emocionale të tij.
Justin Bieber, i cili në të kaluarën ka folur hapur për betejat e tij me ankthin dhe depresionin, vazhdon të mbajë fansat në pritje të një sqarimi zyrtar për gjendjen e tij shëndetësore. Ndërkohë, komuniteti i tij mbetet i shqetësuar dhe kërkon përgjigje.
