Tropojë – Policia e Tropojës ka vënë në pranga Sebastjan Dollapaj, 25 vjeç, i dyshuar për plagosjen e një 18-vjeçari gjatë një konflikti me motive të dobëta në qytetin e Bajram Currit.

Ngjarja ndodhi në orët e para të datës 19 korrik 2025, kur mes shtetasve Sebastjan Dollapaj dhe D.H., banues në Bajram Curri, ka shpërthyer një konflikt, i cili u përshkallëzua në përdorimin e një mjeti prerës – një thikë, e cila u sekuestrua nga policia si provë materiale.

I plagosuri, 18-vjeçari, ndodhet në kujdesin e mjekëve dhe aktualisht është jashtë rrezikut për jetën.

Specialistët për Hetimin e Krimeve në Komisariatin e Policisë Tropojë, në bashkëpunim me Prokurorinë e Kukësit, kryen veprime intensive hetimore dhe dokumentuan plotësisht ngjarjen. Materialet procedurale u dorëzuan në Prokurorinë pranë Gjykatës së Shkallës së Parë të Juridiksionit Kukës për vijimësi ligjore.

Sebastjan Dollapaj akuzohet për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.