Zona e operacionit: Kepi i Stillos – Ksamil – Karaburun – Grykderdhja e Semanit
Qendra Kombëtare e Kërkim-Shpëtimit (RCC Albania), në bashkëpunim me Forcat e Armatosura, Policinë Kufitare dhe autoritetet italiane (MRCC Roma, MRSC Bari dhe MRSC Venezia), ka zhvilluar gjatë gjithë ditës së sotme një operacion të gjerë kërkimi për një person të raportuar të zhdukur nga trageti ndërkombëtar “AKKA”.
Zonat e kontrolluara:
Kontrollet janë shtrirë në një hapësirë të gjerë detare, nga Kepi i Stillos në jug, deri në grykderdhjen e Semanit në veri.
Forcat dhe mjetet e angazhuara:
• 1 dron TB2 i Forcave Ajrore
• 1 helikopter UH-60 i FA (me 3 efektivë)
• 1 anije patrulluese P05 e Forcës Detare (me 4 efektivë)
• 1 motor uji (me 2 efektivë)
• 4 mjete patrullimi të Policisë Kufitare (BP-01, BP-06, BP-09, BP-30) me gjithsej 13 efektivë
Bilanci i operacionit:
• 8 mjete ajrore dhe detare
• 22 efektivë të përfshirë
Operacioni është zhvilluar në koordinim të ngushtë ndërinstitucional dhe ndërkombëtar, duke ndjekur të gjitha protokollet e kërkim-shpëtimit në det.
Kërkimet do të vijojnë edhe në ditët në vijim, në varësi të kushteve detare dhe zhvillimeve të mëtejshme.
