Një ngjarje e rëndë ka tronditur mëngjesin e sotëm fshatin Pojan të Maliqit, ku një i ri, rreth 32 vjeç, dyshohet se i ka dhënë fund jetës duke përdorur një armë gjahu.

Sipas burimeve nga vendngjarja, viktima, i identifikuar si M. H., dyshohet se vuante prej kohësh nga depresioni. Akti tragjik është kryer në oborrin e banesës së tij, duke lënë të shokuar familjarët dhe komunitetin.

“Rreth orës 10:15, dyshohet se shtetasi M. H. është vetëvrarë me armë gjahu në banesën e tij,” njoftoi Policia e Korçës, duke shtuar se “grupi hetimor po punon për sqarimin e plotë të rrethanave të ngjarjes.”

Hetimet paraprake po vijojnë për të zbuluar motivet e sakta që çuan në këtë vendim fatal, ndërsa trupi i pajetë është dërguar për ekzaminim mjeko-ligjor.