Një tjetër ngjarje tronditëse është regjistruar në kryeqytetin grek, ku një 47-vjeçar shqiptar është ekzekutuar me armë zjarri.

Sipas mediave greke, viktima, i njohur me emrin Bashimi ose Artur Turabi, u gjet i shtrirë në tokë me plagë vdekjeprurëse në kokë të shkaktuara nga të shtënat me armë.

Turabi nuk ishte i panjohur për autoritetet greke. Në vitin 2022 ai ishte arrestuar për pjesëmarrje në një organizatë kriminale, e cila kryente vjedhje ndaj pasagjerëve të transportit publik. Përveç precedentëve penalë, ai ishte një emër i njohur në botën e krimit.

Policia greke ka nisur hetimet për zbardhjen e plotë të rrethanave të ekzekutimit dhe identifikimin e autorëve, ndërsa motivet mbeten ende të paqarta.