Presidenti amerikan Donald Trump ka lënë të kuptohet se SHBA mund të dërgojë trupa në Ukrainë për të mbështetur një marrëveshje të mundshme paqeje me Rusinë.

“Do t’ju njoftojmë për këtë, ndoshta më vonë sot,” tha Trump, duke hapur mundësinë e një angazhimi të drejtpërdrejtë ushtarak në rast të arritjes së një marrëveshjeje.

Udhëheqësi amerikan theksoi se Evropa do të mbajë barrën kryesore në sigurimin e paqes, por SHBA do të jetë e përfshirë:
“Ata janë vija e parë e mbrojtjes, sepse janë atje, në Evropë. Por ne do t’i ndihmojmë. Gjithashtu, do të jemi të përfshirë,” shtoi Trump.

Ai gjithashtu shprehu optimizmin për një marrëveshje të suksesshme:
“Mendoj se nëse mund të arrijmë paqen, do të funksionojë. Nuk kam asnjë dyshim për këtë,” deklaroi presidenti amerikan, duke nënvizuar rëndësinë e garancive të sigurisë për Ukrainën si element kritik për çdo marrëveshje përfundimtare.