Një ngjarje e rëndë ka tronditur pasditen e sotme zonën e Hamallajt, ku një konflikt për motive të dobëta ka përfunduar me plagosje të rëndë.

Rreth orës 16:40, A. L., 44 vjeç, dyshohet se ka qëlluar me armë zjarri tip pistoletë ndaj Liridon Ratës, 28 vjeç. Viktima është dërguar me urgjencë në spital dhe ndodhet në gjendje kritike për jetën.

Policia ka mbërritur menjëherë në vendngjarje dhe ka identifikuar autorin, i cili është në arrati. Forcat blu po zhvillojnë kontrolle intensive në zonë dhe në ambiente të ndryshme ku dyshohet se mund të jetë fshehur 44-vjeçari.

Grupi hetimor vijon punën për të zbardhur plotësisht rrethanat e kësaj ngjarjeje të rëndë.