Lidhja trevjeçare e aktores turke Hande Erçel me Hakan Sabancı ka përfunduar, duke surprizuar fansat e çiftit. Aktorja u shfaq së fundmi në publik dukshëm e trishtuar dhe shmangu pyetjet e gazetarëve.

Pas kthimit nga një udhëtim pune në Paris, Hande komentoi mungesën e Hakan Sabancit pranë saj, duke thënë se ai zakonisht nuk e shoqëronte në udhëtimet profesionale, por ishte pranë saj gjatë pushimeve. Megjithatë, veprimet e fundit në rrjetet sociale treguan të kundërtën: Hande hoqi fotot me Hakan nga Instagrami, ndërsa edhe ai bëri të njëjtën gjë, duke konfirmuar ndarjen e tyre pa një deklaratë zyrtare.

Kur u pyet për ndarjen dhe mundësinë e një tradhtie, Erçel i shmangu pyetjeve: “Nuk do të flas për këtë, faleminderit. Gëzuar Ditën e Fitores. Nuk dua të flas për këtë.”

Burime nga mediat turke raportojnë se presioni i vazhdueshëm i nënës së Hakan-it, Arzu Sabancı, e cila nuk e ka përkrahur marrëdhënien dhe ka kundërshtuar idenë e martesës, ka luajtur një rol kyç në prishjen e çiftit.

Kjo ndarje shënon fundin e një lidhjeje që gjatë tre viteve të saj ishte në qendër të vëmendjes së mediave dhe fansave të aktorëve.