Gazeta zyrtare e qeverisë franceze ka publikuar një dekret të ri, që kufizon përfitimet e ish-kryeministrave. Sipas tij, makina e shërbimit dhe shoferi do t’u jepen vetëm për dhjetë vjet pas largimit nga detyra, edhe për ata që kanë lënë detyrën më shumë se 10 vjet më parë.
Kufizimi vjen pas deklaratave të kryeministrit të ri, Sebastien Lecornu:
“Është e arsyeshme që Republika të mbrojë individët që përballen me kërcënime, por nuk është e pranueshme që përfitimet të jenë të përjetshme për një pozicion të përkohshëm. Mbrojtja policore tani do t’u jepet ish-kryeministrave dhe ministrave të brendshëm vetëm për një periudhë të kufizuar dhe do të zgjatet bazuar në nivelin e rrezikut.”
Dekreti prek të gjitha përfitimet e tjera që më parë ofroheshin për gjithë jetën e ish-kryeministrave, duke i bërë ato të vlefshme vetëm për një periudhë të kufizuar.
Konteksti politik dhe buxhetor:
Vendimi vjen në një kohë tensioni politik në Francë, pas rrëzimit të ish-kryeministrit Francois Bayrou nga vota e besimit më 8 shtator.
Bayrou po përpiqej të miratonte një plan kursimi prej 44 miliardë eurosh për vitin 2026, për të ulur borxhin publik që tani arrin 113% të PBB-së
Deshtimi i marrëveshjes mbi buxhetin e vitit 2025 çoi në rrëzimin e qeverisë së Michel Barnierit, duke reflektuar tensionet mes partive të majta dhe të djathta.
Ky dekret konsiderohet pjesë e përpjekjeve të qeverisë së re për të pakësuar shpenzimet publike dhe për të vendosur një rregull më të drejtë për ish-policitikat e larta.
