Forcat izraelite kanë ndërmarrë sulme ajrore dhe tokësore në Rripin e Gazës, duke goditur edhe zonat përreth spitaleve ende funksionale, dhe shkaktuar dhjetëra viktima mes civilëve palestinezë.

Sipas burimeve shëndetësore të Al Jazeera, gjatë ditës së sotme janë vrarë të paktën 83 palestinezë. Sulmet kanë prekur afër spitaleve al-Shifa dhe al-Ahli, ndër të vetmet struktura spitalore që vazhdojnë të ofrojnë shërbime. Nga raportimet, 15 persona humbën jetën jashtë spitalit al-Shifa dhe 4 të tjerë pranë spitalit al-Ahli.

Hamasi ka dënuar ashpër këto sulme, duke i cilësuar si “krim lufte” dhe një “mesazh sfidues dhe përçmues ndaj bashkësisë ndërkombëtare”.